كوكب الشمس أو Sun

الشمس بالخريطة بمعنى البرج الاساسي لك وتمثل قوتك وقدرتك العقلية والجسدية و أفكارك ومبادئك بشكل عام .

هذا هو شكل الشمس بالخريطة

شمس الحمل

طيّب وطيبته توصل للسذاجة، شجاع بشكل مفرط، مندفع ويضحي و يفدي بنفسه، من اهم ايجابياته الحماس والاندفاع، عصبي وتشتعل ناره بسرعه وتطفى بسرعه، يسامح بسرعه وينسى أذية غيره له، مايعرف لايحقد ولا يشيل في قلبه.

شمس الثور

شخص دايم على السايلنت، عنيد ومكابر، مايحب يتكلم كثير، ولا يوثق بأي احد، سريع بإتخاذ قراراته ولا يتراجع عنها الا نادراً لكنه مايتخذ أي قرار الا بعد مايفكر فيه من كل النواحي، بطيء بتحركاته وحذر، مايحب يجازف ولا يتسرع، يميل للهدوء ويبعد كل البعد عن الصخب، يقدّر الذوق والجمال والفنون، موهوب فنياً، يكره يتعامل مع بخيلين.

شمس الجوزاء

شخصيته ازدواجية ومتناقضة، وهالشي يلخبط الناس اللي تتعامل معه، وبما ان الجوزاظ هوائي فهو متقلب و متجدد ومايستقر، ذكي جدا وملول جدا و عنده عقلية حسابيه ومنطقية، حسهم الفكاهي عالي، واثقين من انفسهم بزيادة وحساسين لكن الحساسية ماتأثر على ثقتهم المتصاعدة

شمس السرطان

حنون و هادي و مدبر اقتصادي شاطر، يهتمون بأطفالهم و تربيتهم و تعليمهم اهتمام عظيم، ودايما اطفالهم مميزين وشطار، يحبون الاجواء العائلية والبيتوتية عن اجوا التنزه والطلعات، قمة الراحة عندهم انهم يكونون علاقة زواج سعيدة ومريحة وانجاب اطفال مميزين ومؤدبين، يكرهون الوحدة لكنهم يميلون للعزله المؤقته اللي يراجعون فيها مشاكلهم ويحلونها.

شمس العذراء

شخصية منقدة وشديدة الانتقاد، نقده جاي من دقته وملاحظته القوية والتحليلية، مدبر ومفكر، يواجه مشاكل مع الدلو الاستقلالي والثور العنيد، لذلك ينجرح العذراء من قلة مرونة هالبرجين معه لما ينتقدهم.

شمس الاسد

قوي و جاد واضح ولايحب اللف والدوران، مايحب الهزل والخدع والكذب، قوي في رأيه ومو شخص مرن، وعادل ولايظلم احد ابداً، اكثر برج يتأثر من شمسه لذلك هم منطلقين للحياة ومليانين حماس وايجابية، غالبًا ناجح ومشهور

 

شمس الميزان

شخصية محبوبة من الجميع، ولأنه دبلوماسي ويفضل يرضي الكل فإن بعض الناس يشوفونه منافق ومو عادل ابداً لكن اللي يعرفه ويفهمه يدرك ان شخصيته كذا و انه مو منافق، مزاجه دايما رايق وحلو ولكن بما إنه هوائي فإنه بيسيطر عليه ويتقلب بين فترة وفترة وبنسب قليلة جداً، في مراهقته و اول شبابه راح يعاني من العصبية القوية لكن بس يوصل لسن النضج تبدا تقل تدريجياً هالعصبية

شمس العقرب

هادي وشكاك، غيور ومتملك وعصبي، ينفجر بوجه اي شخص ينتقده، لما يواجه مشاكل يحاول يحلها بتطرّف، يعني ممكن شريكته تخونه وعادي عنده ويتعايش مع هالوضع، او يبدا يشك بتصرفاتها حتى لوكانت بريئة و يعذبها بشكه فيها .

شمس القوس

ايجابي ومنطلق للحياة ولا يُحبط بسرعه، ويعرف كيف يواجه مشاكله ومصايبه بقوة وباصرار، مرح جدا وفكاهي و ينحب من فكاهته وظرافته، يهون على نفسه وعلى غيره بظرافة ولطافة، على ان عنده اصرار قوي الا انه برضو يمتلك حظ قوي وجميل، يحب براءة الاطفال و يحب يقضي اغلب وقته مع الصغار ويدور عنهمخعن صفاوة القلوب اللي ما يلقاها عند الكبار

 

شمس الجدي

من النوع اللي يقدر يشيل مسؤولية اكبر منه، يحسب لكل شي الف حساب حتى الضحكة يحسب لها! منعزل وانطوائي ولايحب يحضر الاجتماعات والمناسبات، يحاول قد مايقدر مايختلط بأحد، كلامه قليل وتفكيره عميق، يفضل يطلع مع ناس هاديه ولأماكن هادية، دايما يحن للماضي ولايامه قبل، يحب الاشياء القديمه والعتيقة ومايتقبل اي شي حديث وجديد

شمس الدلو

مايعيش الا على الاستقلالية والحرية، فضولي ومبدع، اغلبية المخترعين يكون شمسهم بالدلو، يقدر الابداع والانسانية، متفرقين ومبدعين بالتكنولوجيا، يكون يكون في اطار نمطي او تنظيمي وصعب عليه يتكيّف مع القيود، يحبون الاختلاط مع مختلف الناس بمختلف الثقافات و يحبون يتعلمون لغات العالم.

شمس الحوت

شخصية تعيش على الخيال وتحب تكوّن اجواء قوية فيه، يتهربون من واقعهم التعيس لخيالهم الخصب السعيد، شخصيته ربيعية ومتفتحة لكن حساسة جدا عاطفيين وبداخلهم كل حنان هالعالم