ذوق كل شخص باللبس حسب برجه

بنحكي عن ذوق ولبس كل شخص حسب برجه

)يعتمد الذوق على  الشمس و الزهرة) 

يعني على حسب تاثير الزهره على الشخص

 

برج الحمل  

ماله في الموضات القديمة حتى لورجعت غالباً ذوقه حلو باختيار الملابس، الاشياء الاوڤر تلفت نظره، جريء و يلبس الوان قوية وموديلات غريبة مو اي احد يتجرأ و يلبسها

برج الثور

  "راحته اهم من كشخته " لكنه يلبس لبس مناسب جداً للمناسبة اللي رايح لها ، ينقصهم التوفيق بين اختيار الخامة و اللون اللي يعجبهم 

برج الجوزاء

  هو كل الناس في كل المناسبات، هو 2x1 ، افتح دولاب الجوزائي وتلاقي ملابسه ميكس من كل نوع وكل موديل ، الشيء الوحيد اللي يميز لبس الجوزاء انه مستحيل يقول اني كبرت على اللبس هذا و عيب و و ، روحه شبابية !

برج السرطان 

 هم الناس اللي حلوين باللبس الأبيض، لكن مو اي لبس يليق عليهم ، حلوة الصنادل لهم لانها تبرز جمال ونعومة رجولهم .

برج الاسد 

 ثقته هي اللي تحلي لبسه، انسان مايتعب وقت الشوبينق لانه واثق انه بيحلي اي لبس يشوفه، ولو لبس شي مو حلو مرة مرة بيجلس يقنع نفسه ان الناس اذواق و انه مو لازم يعجب كل اللي يشوفونه ، عموما الاسد يتألق باللبس الرسمي

برج العذراء 

 من النوع اللي يلبس لبس مليان بهرجة وللأسف مايليق عليهم ، برضو العذراء من النوع اللي كل شوي يروح ويشتري ويطير فلوسه على ملابس،و دولابه مليان ملابس ما انلبست !! العذرا  ء يلبس لبس يشبه شخصيته .

برج الميزان 

 دايما تلقاهم بالاسواق ماسكين على قطعة ويدورون على قطع ثانية تركب عليها و تناسبها، حلوة عليهم الالوان الفاتحه مثل البيبي بينك والبيبي بلو.

برج العقرب  

بما انه جذاب "خلقه" فَـ لو يلبس اي لبس بسيط يطلع حلو عليه ويخطف العين ، لأن العقرب يختار ملابسه بمزاج و روقان

برج القوس 

 يفضل يلبس لبس بسيط ومريح ، مستحيل يلبس لبس يكتمه او يضايقه عشان بس يكون شيك و انيق .و فيه فتحات

برج الجدي

  الشراء بالنسبة للجدي الجودة اهم من الشكل والماركة ، مايهمهم المقاس ولا الراحة ولا الكشخه ، يهمهم جودة لبسهم و انه لايق عليه،لذلك تلاقيهم دايما يختارون اقمشة خام وجودتها عالية و يفضلون يخيطونها على مزاجهم وذوقهم وكلاسيكيتهم .

برج الدلو 

 ذوق واختيار رجال الدلو للملابس مميز و خاص ، اما بنات الدلو راح يبان عليهم انهم تعبوا على اختيار القطع و تنسيقها،برضو عندهم قدرة على تغيير ستايل فستان واحد بشكل سريع وسلس لأكثر من مرة !

برج الحوت

  تفضل اللبس الرومنسي الكيوت الخيالي والحالم ، تهمهم الاشياء الثانوية اكثر من اللبس نفسه ، بمعنى انهم يفضلون يختارون الاكسسوارات والجزمات قبل اللبس