البيت العاشر او الـ MC

 

‏هو البيت المسؤول عن الوضع والمكانة الاجتماعية اللي يلقاها الشخص في مرحلة النضج ، وهو المسؤول عن طموحات الشخص وطريقة تفكيره في المستقبل, ويحدد شخصية الانسان اللي يتعامل فيها مع غيره ، و‏ المسؤول عن الوضع والمكانة الاجتماعية والمسؤول عن طموحات الشخص وطريقة تفكيره في المستقبل، برضو يمثل شخصيتك بالنت  .

‏البيت العاشر في ‫الحمل

‏

ياخذ حظه من الدنيا باجتهاده وانطلاقه وشجاعته ما يهتم بالشهرة ولكن قد يكون مشهور بالصدفة يعني مايسعى لها ولا تهمه اصلا، ثرثار في الاجتماعات ويتكلم في الامور العامة يعني مستحيل يتكلم عن نفسه كثير. ‏اذا كان الشمسي حمل فهالصفات بتتضاعف ، اما اذا كان الحمل بالقمري فبيقلل من قوتها واهميتها

 

‏‏البيت العاشر في ‫الثور

‏يدور عن المجد ويهمه مضمون اللي يقدمه، بيكون معروف ومشهور اذا ابدع في مجال يحبه ، ينضج بشكل مبكرا وممكن يشيل مسؤوليات ويحس انه اكبر من عمره ويقارن بينه وبين اصحابه اللي بنفس عمره،

‏اذا كان الشمسي بالثور فهذا الشخص بيشتهر في مرحلة النضج وهي مرحلة الثلاثينات والاربعينيات والخمسينيات .

‏ 

 

البيت العاشر في ‫الجوزاء

‏هالشخص اخر من يدور عن الشهرة، اجتماعي ومحبوب في الوسط اللي يعيش فيه ، يشوفونه اصدقاءه مثل الممثلين، مهتم بنفسه وبمظهره ويحب يكون له طلة مختلفة كل مرة. مهندم وله ذوقه في اختيار ملابسه ، ‏وضعه الاجتماعي يخليه مستقر وسعيد عشان كذا يهتم بحالته الاجتماعية ويحب يكون مصدر الـ show !

‏وجود كوكب الزهرة او الشمس في برج الجوزاء بهذا الوضع ممكن يخلق بعض الغرور لهالشخص.

 

‏‏البيت العاشر في ‫السرطان

‏شخص يعتمد وضعه الاجتماعي على مدى تفاعله وابتعاده عن وحدته لانه يعاني من الانطواء والانعزال عن الكل ، ‏شخص يعتمد وضعه الاجتماعي على مدى تفاعله وابتعاده عن وحدته لانه يعاني من الانطواء والانعزال عن الكل ، أو لما يكون الشمسي او المريخ عنده بالسرطان بيخليه شخص اكثر جرأة ويتجرأ يحتك بالمجتمع.

‏

البيت العاشر في ‫الاسد

‏شخص يشتغل بشيء قيادي وبارز ويصير شخصية مشهورة من شغله وينجح نجاح باهر بتخصصه, ‏‏بيكون مدير ناجح اذا اجتهد وابدع في العمل. من سلبيات البيت العاشر ان صاحبها مغرور

‏وخاصة اذا صار الشمسي او المريخ ببرج الاسد .

 

‏البيت العاشر في ‫العذراء

‏ياخذ مكانته الاجتماعية من  ينال دقة عمله ونجاحه اللي يحافظ عليه لوقت طويل وبدون ملل ، دايما يتحدى المشاكل والصعاب اللي تواجهه وبهالتصرف ينعجبون فيه اللي حوله ، ‏من سلبياته انه مايعرف يتعامل مع المجتمع ويتصادم معه بسبب اقتناعه برأيه وصعوبة اقتناعه بأي شي يخالف تفكيره ومنطقه.

 

‏‏البيت العاشر في ‫الميزان

‏شخص عنده قبول ومحبوب في الوسط الاجتماعي اللي يخليه يبان ذكي ومتوهج  وبلدوماسي، يقدر يوفّق ويصلح بين المتخالفين ، مناقش ومحاور  مع كل الاطراف المتناقضة ودايما بحالة بحث عن النقاط المشتركة بينه وبين اللي يتكلم معه ، يبتعد قدر الاماكن عن المصادمات والمعارك  الفكرية ودايم تشوفه يبتعد عن المجادلات العقيمة .

 

‏البيت العاشر في ‫العقرب

‏شخص طموح وغالبا اذا اشتهر بيكون بسبب غموضه وقلة كلامه ، يمتلك كاريزما وغموض جذابين! حضوره للاجتماعات طاغي وواضح. ووجود كوكب بلوتو في العقرب يقوي هالصفات ويزيدها تطرف ! ولكن وجود عطارد في العقرب يخلي هالشخص يتكلم عن نفسه واجد والناس يشوفون هالشي فيه "غرور"

 

‏البيت العاشر في ‫القوس

‏شخص محبوب ومايملون الناس منه ، وجوده يخلي المكان فيه من البهجة والطاقة الايجابية ، يمتلك حظ من الذكاء الاجتماعي اللي يحفظ له مكانته في قلوب الناس ، ‏شخص طموح جدا وعنده حس الفكاهة ويواجه مشاكله بكل سخرية عشان كذا يحبونه الناس ، الشمسي في القوس تقوي هالصفات مرة ووجود زحل في القوس يضعف من قدرة القوس على مقاومة الحزن .

 

‏البيت العاشر في ‫الجدي

‏اغلب قادة العالم  كانوا اهل هالبيت!

‏ بس لحظة لاتنبسطون، هالقادة قادة حروب !

‏

‏ياخذ الشهرة احيانا من ديكتاتوريته بمعنى الكلمة ، عنيد وما يسمع لغيره ابدا.

‏‏تزداد قوة وشراسة هالصفات اذا صار المريخ وهو في الجدي "كوكب الحرب والعنف"

‏

البيت العاشر في ‫الدلو

‏يشتهر بين الناس بسبب اختلافه عنهم فهو شخص مبدع ويهتم بالعلوم والاكتشافات الحديثة والتكنولوجيا ، اغلب العلماء والباحثين تلقى عندهم البيت العاشر بالدلو ، وجود اورانوس او الشمسي في الدلو يقوي هالصفات

‏

البيت العاشر في ‫الحوت

‏شخص يقبل بمكانة بسيطة بين المجتمع اللي يعيش فيه, ومع ذلك ينجح اذا غاص اكثر وبصدق في نفسه و ذاته ، شاعر بالفطرة و فنان ومؤلف موسيقي. طيب وحنانه متدفق ويساعده على تعويض الحس الاجتماعي اللي يفقده.