كوكب عطارد يأثر على فِكر الشخص وحركته ، السفر وطريقته بالكلام و نبرة صوته ، وطريقة تواصله مع المجتمع "كلامياً"
هِنا صورته في الخريطه الفلكية :
عطارد الحمل
يخليك تتكلم بثقة كبيرة ونبرة صوت مرتفعه وتؤمن أن اللي قلته حقيقي وواقعي وتقول اللي يخاف غيرك يقوله ولايهمك ، شخص ذكي جداً سريع البديهة وحاضر النكته وخفيف ظل وهالتركيبة تخلي كثيرين يطيحون بغرامك
عطارد الثور
منطقي بتحليل الأمور ولا يلجأ لعاطفته لتحليل الامور لانه تفصل بين العقل والعاطفة وعقلاني جداً! عطارد يخليك مخطط ممتاز ولكن خططه غالباً ماتكون طويله وعلى المدى البعيد ويكره النتائج الفورية والخطط الجديدة
عطارد الجوزاء
يحب القراءة والكتابة ويعتبر التواصل الكتابي والكلمة المكتوبة من أهم الأشياء وأكثرها سحر وفعالية ويتحكم بقدراتك الكتابية ويخليك كاتب رهيب وكتاباتك تجذب الكثير وتغريهم ، انت أديب وشاعر أحيانا
عطارد السرطان
مستمتع جيّد ولما ينتهي الشخص من كلامه يكرر اللي سمعه بصوت هادي عشان يتأكد من قصده ، ماهر جداً بالكلام مع غيره وبلمحة عاطفية تريّح الشخص الثاني ويحاول يفهمه وينجح بهالشي! يجتهد على أفكاره سواء كانت زينه او شينه ولما يتعرض للنقد يزعل ويعصب ويصير سلبي!
عطارد الاسد
يخليك تسولف بحماس ونبرة عالية نوعاً ما وتعصب اذا انشغلوا عنك اللي انت جالس تسولف معهم ، مُخطط ممتاز ! يحرص على التميّز ومايحب يتشبه بغيره عشان كذا تلقونه يركز بقوة عشان يتفوق على غيره بالتخطيط ، يملك طريقة درامية بالتواصل معك لما يكون مخطيء ويقدر يقنعك أنك أنت السبب وترجع أنت وتعتذر منه
عطارد العذراء
لما يتكلم يخلي المستمعين يحسون بالثقه بأن اللي يقول صح و مضبوط لانه يستشهد بأقوال مأثورة او معلومات وهذا الشي بحد ذاته مؤثر! مناقش ممتاز ويجيد فن الحوار وإستقبال المعلومة و يفكر كثير قبل مايرد و غالباً يقنع اللي قدامه
عطارد الميزان
يفهم و يكتشف اللي قدامه بسرعه وسهوله من أول دقيقتين ويعرف نوعه وطبيعته وسياسة التعامل معه ، ماهر جداً بتبسيط المعلومات الصعبة المعقدة والأفكار الغريبه عشان يتقبلها ويفهمها اللي حوله، ينفع يكون معلم كمان، متحدث لبق و ينتقي مفرداته يقدر يقول كلام سيء لكن بإسلوب جميل ، يعني يقدر يسبّك وانت مطيّر عيونك
عطارد العقرب
ماينسى التفاصيل أبداً ولا المواقف القديمة عنده ذاكرة حديدية ويقدر يسرد أي موقف قديم وكأنه صاير أمس ، يتكلم مع كل شخص حسب عقليته لأنه روحاني ويستخدم عقله كثير ولما يتكلم يتأثر اللي يسمعه بكلامه بالغالب! منطقي جداً وعقلاني ( ولكن ) ما يقتنع بهالتحليل كعذر لبعض أفعالك مثلاً لأنه يتوقع الشي الكثير منك
عطارد القوس
شخص له نظره واسعة للأمور ينظر لكل شيء بشكل عام ما يهتم بالتفاصيل الصغيرة يهمه النتايج بالنهاية، لما يتكلم معك يتكلم بحماس ويتكلم بسرعه ويحححب يستعرض بمعلوماته ويتباهى بها يحب يبيّن انه مثقف ، يكره يجيه احد ويسولف معه بكل شي وبتفاصيل صغيرة تضيق به الدنيا لما احد يسولف معه كذا ، يبي الخلاصة وبس، ساخر جداً لذلك ولما يتكلم يقول كلمات ملتوية أحيانا عشان يضحك من حوله أو عشان يثير حفيظتهم ، يتكلم بكل جرأة ومايستحي يتكلم بأمور ممكن غيرك يمتنع عنها ، يقدس الصراحة ويبغض المجاملات
عطارد الجدي
شخص مستحيل يبدأ ويبادر بالكلام ! ينتظر غيره يبدأ و يسأله ويطلب شوره عشان يدلي بدلوه ، صاحب إسلوب ساخر وجاد بمعنى انه ساخر لكن بطريقة إيجابية ، كوميديا سوداء! يمتلك قوة تركيز ومايشتت إهتمامه على صغائر الأمور ولا يهتم بالتوافه يركز على شي يهمه ويحاول لين يحققه لذلك يعتمد على مبدأ الخطوات
عطارد الدلو
أفضل من يُلجأ إليه عشان يخطط لك او يحل لك مشكلة معينة ، هو الشخص اللي يفكر بأكثر من مخرج وكلها بطريقة عبقرية يفكر out of the box ممتاز بتقديم الأفكار المميزة الغير مسبوقة الغريبة وممكن تكون أفكار مجنونة ! لكنها تنجح ، يميل أكثر للنقاش حول الغيبيات الأديان ، الفلسفة ، الفضاء كل الأمور التي تثير فضوله ويبدع بتحليلها ، ماهر بالتواصل بشكل جديد مختلف عن غيره لذلك غالباً النقاشات معه سواء كتابية أو صوتيه تكون ممتعة جداً!
عطارد الحوت
فيلسوف بالفطرة ومثقف عادةً يقدر يخلي اي موضوع وإن كان ممل يجنن ويجذبهم و يسمعون له بكل حماس، مهاراته بالكلام عظيمة!
هذي مدونة مس ابراج ولا حياة ابراج ههههههههههههههههههههههههههههههههههههههههههههههههههههههه تقليد فاااااااشل جداً
ردحذفجددداً جممميل وازين من مس
ردحذف