ايش المواصفات اللي يبغاها الرجل تكون موجودة في حبيبته ؟ "حسب برجه"

كيف يحب الرجل مواصفات حبيبته  :

الكلام هذا يعتمد على " مريخ الرجل "

 

 

رجل الحمل  

يحبها جميلة ومو جامدة ومايحبها جدية، يفضلها رشيقة وتمارس الرياضة عشان تشاركه لانه رجل مُحب للرياضة ، يحبها تتقبل الانتقادات منه ويحبها ماتنتقده ابداً ، يفضل انه يكون أولىَ أولوياتها مهما كانت الظروف، يحب يحس انه مُدلل من حبيبته.

رجل الثور

 يحبها تكون قوية وتوقف بوجه المصايب اللي تواجههم، يحب اللي تعبر عن رأيها ووجهة نظرها، ماتقبل الخضوع على نفسها الا معه  ، لانه يمتلك شخصية قوية مرة ويبغاها تتقبل آراءه وتقتنع فيها وتتبعها، يحب البنت الرزينة اللي مافيها دلع ماصخ واللي تعرف حدود الكلام وتتصرف بأدب،  يحب اللي تعرف كيف تتعامل مع العُرف الاجتماعي لأنه رجل يقدّر نظرة المجتمع له.

رجل الجوزاء

يحب البنت الناعمة اللي مليانه انوثة ونعومة وجاذبية اكثر من أي شيء ثاني، يحترم الذكية ولو ان الذكاء مو شي اساسي عنده ، تبهره اذا صارت أم مثالية وطباخة ممتازة وسيدة اعمال، صدره رحب و لو حب ممكن انه يتنازل عن اشياء كثير عشان يرتبط فيها.

رجل السرطان

 يحبها حنونة ومشاعرها دافية معه، تستوعبه مثل أمه وتسامحه لو غلط وتضحك معه لو تسيمج معها، يبغاها توفر له الصدر الدافي متى مايبغى ، مايبيها تحسسه انه اتكالي ومعتمد عليها لأنه زي البيبي يقوم من حضن امه ويجلس بحضن حبيبته ، كمان هو يقدّر حس الأمومة بحبيبته لكونه أب مثالي.

رجل الأسد

 يبغاها صصصصارخة الانوثة والجمال، ملفته للنظر وحضورها بارز ويبغاها ناجحه في مجالها وفي اعلى المراكز، تتفهم عالمه وتفكيره وتعطي كبرياءه وجه، كذا بيحس انها انسانه خارقة ، واهم من هذا كله انها تحسسه انه ملك زمانه وتخليه دايما جالس بالعرش ولاتشاركه عليه .

رجل العذراء

يحبها قمة بالهدوء والنعومة وتقدر تحس بأدق شعور يطلع منه، تفكيرها منطقي مو عاطفي، يحبها تدافع عنه لو احد غلط عليه بغيابه وتتبنى قضاياه ومشاكله وتحلها له،يبغاها صاحبة ذوق رفيع وانيقة ولبقة ورقيقة بالكلام.

رجل الميزان

 يحبها متذوقة للفنون لانه انسان يقدس الفن، يقدر البنت اللي تحس بالغير و المرحة واللي تواكب التطور و التقدم في كل المجالات ، وخصوصاً مجال الموضة، يحب اللي تعطيه حريته واللي تكون مضيافة و اجتماعية واللي ترحب باجتماعات اصحابه .

رجل العقرب

يحب البنت المغريه، الاغراء يهمه اكثر من الجمال، تهمه العلاقة الحميمية اكثر من اي شي ثاني، عشان كذا تلقاه يدور عن البنت المغرية اكثر من الجميلة، يحب اللي تهتم بهندامها وتظهر انوثتها بشكل جداً جذاب، واللي تتقبل سيطرته و تطيعه وتخليه يتحكم فيها وتفهم ان هالتصرفات من حبه لها وخوفه عليها.

رجل القوس

 تجذبه البنت اللي مليانه نشاط وحيوية وعندها حس طرفة وفُكاهه، اللي عندها فعاليات بحياتها سواء بالجانب الاجتماعي او العملي، يحترم الذكية و يتفاخر بإنجازات حبيبته، رجل القوس اجتماعي من الدرجة الاولى ويبغى يرتبط بوحدة اجتماعية ترحب بكل شخص يدخل بحياة هذا الرجل ، يقدّس حريته ويكره البنت اللي تقيّده و تتحكم فيه.

رجل الجدي

يبغاها زي أمه بالتسامح والبراءة والحنان و التعامل مع الصغار، يبغى زوجته تعتني ببيته وتهتم فيه اذا رجع من دوامه، يكره الصخب والفعاليات والعلاقات الكثيرة، حلمه يعيش بمكان هادي بعيد عن الناس، امنيته يعيش بجو هادي مع حبيبته، يفضل حبيبته تكون هادية وفيها لمحات انوثة وجاذبية، الجدي يلتزم بالعلاقة العاطفية بشكل رسمي ، مستحيل يفكر يأذي شريكته بالعكس يحب يكون الداعم الأول لها معنويا وماديا وعاطفياً.

رجل الدلو

 يحبها تكون صديقة اكثر من حبيبة لأنه يحب جو الصداقة اكثر من جو الحب! مخلص وداعم لحبيبته.. يحب اللي تناقشه و تفهم فلسفته واللي تستمع له و تدعمه لو احتاج دعم، لو لقى هالصفات فيها بياخذها معه لكل مكان يروح له ويتعامل معها انها صديقته اللي غير عن كل اصدقائه!

رجل الحوت

يبغاها تكون ملاك اكثر من انسان وفيها جمال ملائكي و فيها طُهر الحوريات ، يبغاها ماتعصب ولا تثور ولا تزعل وتستوعب عصبيته وزعله و نكده ومزاجيته اللي تتقلب بدون توقع! يحب اللي تتولى امور البيت والحنونه على كل شي قدامها واللي تتحمل آراءه وتحكمه، يحب اللي وجهها يبقى بريء وطفولي . يكره يتعامل مع اي شخص يحاول يسيطر عليه .