مواليد بين برجين

مواليد بين الحمل والثور

 بين تاريخ 18 - 23 ابريل 

هالمولود بيكون ميكس بين الناري والترابي 

يتصف بـ : طموح وحماس الحمل وواقعية الثور وهداوته

يحب يغامر ويجرب كل جديد "بسبب تأثير الحمل" لكنه مايجرب أي شيء جريء الا بعد مايدرس ويفكر بالموضوع من كل النواحي "بسبب تأثير الثور"

عاطفي جدا و جذاب جدا !

يقدر يتحمل المسؤوليات لكن بتختلف ردات فعله فأحياناً بتشوفه متحمس عشان ينجز ، واحيانًا تشوفونه هاديء و يسوي كل شغله بروقان.

المولود بين الحمل والثور مع انه استقلالي الا انه مايتخذ اي قرار من دون مايشوف رأي امه و ابوه   

مواليد الثور والجوزاء 

بين تاريخ 19 - 24 مايو 

هالمولود بين الترابي والهوائي

فيه ثبات الثور ومزاجية الجوزاء يوصل لأهدافه بعد جد واجتهاد او تجيه بالصدفة!

يحب يغامر لكن على حسب مزاجيته ، يتنقل من مكان لمكان كل فترة وفترة

آراؤه غريبة "جوزاء" وأفكاره واضحة "ثور"

يحب كثرة العلاقات "جوزاء" وبرضو يحب يترك مسافة لحريته الشخصية "ثور"

 جاد وينتج لكن بهدوء 

ودايما يرشحونه بمكان عمله انه شخص كفو وينفع للمهمات الصعبة 

عاطفيًا يغار على اللي يحبه ويحاول يكون متسلط "جوزاء" , وبرضو يخفي عواطفه الجياشة وشفافيته "ثور"

عصبي وعصبيته واضحة و يخاف من الفشل ومايحب شعوراليأس .

عنيد "ثور" ومتقلب الرأي والمزاج "جوزاء"

مواليد الجوزاء والسرطان 

 بين تاريخ 19 - 24 يونيو 

هالمولود ميكس بين الهواء والماء 

المزاجية تحكمهم، لان الماء والهواء مب ثابتين

يحب يتعرف على ناس جديدة 

ويحب يجرب كل شي مب باب الفضول وكسر الغموض

مرات يكون عاطفي ورومنسي

 ومرات تلقونه يطقطق ويتشمت بغيره من باب كسر الروتين

علاقات هالشخص ماتدوم كثير بسبب مزاجيته 

 لكن الكل ينجذب له بسبب انه اجتماعي

يقدر يتكلم ويناقش في اي موضوع وبجرأة لأنه مثقف وعنده معلومات كثيرة

 يصرف فلوسه بالهبل اذا كان منزعج او حالته النفسية سيئة

 هالمولود راح يحب اكثر من مرة وممكن يحب اثنين بوقت واحد

 ينجذب للجمال والجوهر، ويكون نشبه مع شريكه

لحوح لما يطلب ومايمل ولا يكل

استقلالي ومنفتح مع الكل 

يتمسك بالعادات والتقاليد لما يكون في موقف راح يواجهه لحاله

يجمع بين شخصيتين اللي هم : الحالم والصاخب، كل يوم له مزاج

مواليد السرطان والاسد

بين تاريخ 21 - 26 يوليو 

هالمولود ميكس بين النار والماء

بيكون حساس ويراعي مشاعر غيره  و بيكون جريء ويحب لفت الانتباه والانظار 

ميكس بين الهدوء والقوة والغموض والوضوح .

فيه شوية انانية ويحب نفسه بقوة ، حضورهم قوي ومميز ويحبون المدح بكل اشكاله

يحب يتعب على نفسه عشان يكوّن الفلوس اللي يحسها قد مقامه

خياله واسع ويحب الفنون والموسيقى وينجذب لها

علاقاته الاجتماعية كثيرة ومعروف ومشهور بالمجتمع اللي موجود فيه 

لو نجح في علاقته العاطفية بيكون اسعد شخص ولو فشل بيتاثر بشكل قوي و ينعزل عن الكل

شوق هالشخص لشريكه العاطفي دايما جياش

مواليد بين الاسد والعذراء 

 بين تاريخ 21 - 26 أغسطس 

هالمولود ميكس بين النار والتراب 

مزيج بين تفاخر الاسد وجدية العذراء

شخصيتهم دايما صادقة ويحبون يقولون الحقيقة ولو كانت جارحة لعبرهم

يحبون ينتقدون غيرهم من باب الاصلاح وخصوصا مع الناس المقربين منهم

يمتلكون مواهب غريبة ومُلفتة، غالبًا احساسهم مُرهف 

كلمنجيين , بمعنى : كلامهم كثير وفعلهم قليل

عندهم موهبة الاقناع ويقدرون يقنعون غيرهم بسرعه ، يجمعون بين سلطة الاسد وجبروته و انتقاد العذراء ودقته

 يعرفون كيف يختارون شريكهم ويحرصون يرتبطون بالشخص اللي يشيل مسوؤلية ومايكون بليد

يحبون يلفتون النظر اجتماعياً ويجددون بحياتهم عشان يلفتون النظر ويكسرون الروتين القاتل للعلاقات العاطفية

اذا انتم مولودين بين الاسد والعذراء فأنتوا متسلطين واصحاب شخصية مسيطرة وقوية.

مواليد بين العذراء والميزان 

 بين تاريخ 21 - 26 سبتمبر 

هالمولود ميكس بين الهواء و التراب

 عاطفياً بسبب العذراء ولبقين عاطفياً بسبب الميزان 

 وبشكل عام متزنين عاطفيًا

متوزانين في علاقاتهم سواء كانت علاقات عمل او صداقة 

او حب او حتى علاقات عدائية!

متزنين ومايعرفون شيء اسمه "تطرف"

مايسمعون أي معلومة ويصدقونها

بالعكس بيفتشون عنها ويستكشفونها

عشان مايطيحون بفخ الغباء.

تفسيرهم للأمور وتحليلهم لها بشكل دايم راح يتعب اللي حولهم

 خصوصاً ان هالمولود مـطالب بشوية تصرفات عفوية .

دايمًا متزن في كل الامور إلا في الحب خصوصًا المولود اللي يميل لصفات الميزان اكثر ، راح ترجح كفة العاطفة عنده!

يعرف كيف يتصرف مع الفلوس وكم يصرف وكيف يصرف وعلى ايش يصرف مع هو اللي يحرص على انه يخبي القرس الابيض لليوم الاسود

‏‏مواليد بين الميزان والعقرب 

 بين تاريخ 21 - 26 أكتوبر 

هالمولود ميكس بين الهواء والماء

مو مزاجيين ابدًا و قويين بشخصيتهم

عندهم حس التحدي عالي وغالبًا ناجحين بحياتهم.

يحبون الاستقرار بعد مايوصلون للهدف اللي يبغونه 

دفاعيين وحماسيين وحقانيين، مايحبون الحقوق تضيع ودايما يوقفون بصف الحق

 مايعرفون كيف يعبرون عن اللي بخواطرهم ولكنهم يحاولون كثير

لو ماوصلوا للهدف اللي يتمنونه راح تسوء حالتهم النفسية 

و يصيرون عصبيين ويخوفون

مسرفين ماديًا وماليًا، يهمهم يكسبون غيرهم لذلك تلقاهم دايمًا لبقين وذربين

يميلون لارضاء انفسهم و ارضاء غيرهم 

لو حبوا بيكونون متطرفين بالحب ويكيلون للجمال المغري والجريء

يحبون المشاعر و الحب و مؤمنين إن الحب يستمر للنهاية 

ويبقى ويزيد مع طول العمر

"ومن الحب ما قتل"

اكثر مقولة يؤمن فيها هالمولود.

مواليد بين العقرب والقوس 

بين تاريخ 20 - 25 نوفمبر 

هالمولد ميكس بين الماء والنار

قويين بشخصياتهم ومتفائلين جداً 

متهورين ومرحين وجريئين واحياناً يمرون بحالة حيرة

يحددون أهدافهم ويسعون لها ويحققونها بكل احترافية وجدية  

مايحب يحكم على مين من كان بشكل سلبي ولا يحب يتهم احد 

او ينفعل الا اذا انجرح فهو بياخذ بحقه

يعرف كيف يستفيد من كل فرصة ويعرف كيف يفيد غيره

صراحته تجيب له المشاكل ولكن غيره بيحترمه بعد مايشوف جديته وصدقه 

يتاثر بسرعه وعصبي إلا ويعرف كيف يوقف مع المحتاج 

حلال مشاكل 

صادق مع نفسه ومع غيره ومايحب اللف والدوران 

قلبه كتاب مفتوح وسهل التعامل معه ودايما يحس بحالة امتنان تجاه اللي يحب

مواليد بين القوس والجدي 

 بين تاريخ 19 - 24 ديسمبر 

هالمولود ميكس بين النار والتراب

منفتح ومنغلق ، اجتماعي وانعزالي ، الانفعالي و الهادي

ناجح بشغله لأنه يجمع بين الطموح والدقة والهدوء 

يجتهد في شغله لين يوصل لمراكز مرموقة وعالية جداً 

كريم ماديًا ولكنه مع مرور الايام يمسك فلوسه ويحاول يكوّن ثروته

صبور وحكيم ويوصل للهدف اللي يبغاه بسهولة

صاحب نفس طويل وذكي بحل مشاكله

يتفائل بسرعة وييأس بسرعه

ما يهتم للمظاهر ولا يحب يكون مشهور

يحب المدح ويحاول يلفت الانظار بثقافته 

بيحب بسرعة وينسى بسرعة ، يحاول يستقر قد مايقدر 

يقرر الزواج بشكل عقلاني وهادي وبعيد عن الطيش

مواليد بين الجدي والدلو 

 بين تاريخ 18 - 23 يناير 

هالمولود ميكس بين التراب والهواء

يتحمل المسؤولية ويشيلها

مثقف جدا ويحب يتزوّد بالمعلومات ويثقّف نفسه

واقعي ومتزن ومسالم وبعيد عن العنف والكره

هالشخصية تقدّر الفلوس وتحسه من اولويات الحياة 

متواضعين ويحبون الصداقات ويقدسونها ويحترمون كل شخص يدخلون معه بعلاقة

رقيق ويميل للشهوانية و أسلوبه مُقنع جدًا

يميلون للدخول في علاقات حب 

يستبعدون فكرة الزواج ىالارتباط ويحسونه اصعب قرار 

حضورهم مميز وقوي ومسالم

مو متسرعين في الحب وشكاكين نوعاً ما 

مواليد بين الدلو والحوت 

بين تاريخ 17 - 22 فبراير 

هالمولود ميكس بين الهواء والماء

هالشخصية يجمع بين طرافة الدلو و شفافية الحوت

عندهم حب كبير للفن والموسيقى 

مزاجيين بسبب انه يجمع بين هوائية الدلو وموجات الماء في الحوت 

ممكن يكون رسام أو كاتب أو عازف أو مغني

عاشق للجمال و إذنه مرهفة وعين ثاقبة

طيب مرا ونادر يمسك اسراره لنفسه 

لأن الصداقة عنده مبدئها الصراحة والصدق والوضوح

يقدس الصداقة لكن ممكن ينصدم او ينجرح من اصدقاءه فينعزل ويكون وحداني

دايم بحالة طمع ومو مكتفي باللي معه

متردد في خطواته وقراراته بسبب خوفه من الفشل

عشرته حلوة ونادر ماتشوفه مو مبتسم او يطيب خاطرك بحكي حلو

يعرف كيف يدبر أموره من خلال تواصله مع ناس يقدرون يساعدونه ويوصلونه للي يبغاه 

ناعم بتصرفاته ولا يحب يعامله اي احد بخشونه

أكثر الناس مزاجية لكن مزاجيتهم ماتظهر لاحد

متبدل بالحب ومش مستقر

مايعترف بوجود الحب الا إذا لقى السخص اللي يتقبله  زي ما هو

بين الدلو والحوت عشق للفن والموسيقى

مواليد بين الحوت والحمل 

بين تاريخ 18 - 23 مارس 

هالمولود ميكس بين الماء والنار

يجمع بين انه صاحب احساس عاطفي عالي ومندفع وحماسي

هالشخص موهوب ويعرف كيف يبرز مواهبه يستغلها في مكانها 

مب مهايطي ويكره المهايطيين 

- مهايطي : متفاخر بنفسه بشكل مبالغ فيه -

خيالي واحلامه جدًا حلوة "بسبب الحوت" وتتحول احلامه لحقيقة "بسبب الحمل" 

هالشخص بيكون مليان حب ورفاهية ومثالية

ما يحب يشتغل ودايما أفكاره في حالة شتات

اصدقاءه كثير وبين كل فترة وفترة يسوي تنقيه للاصدقاء ويترك "مافسد منهم" 

حساس ولا يحب يبيّن هالحساسية ولو تألم مايعرف كيف يتجاوز هالألم

مثالي جدا ويدقق بالتفاصيل

استغلالي من ناحية الفُرص، مايفوّت اي فرصة تمدّه بقوة او جرأة

لبق ومثقف بشكل كبير واسلوبه مقنع

 يحب يشوف نظرات التقدير من عيون اللي حوله

لو حب بتكون علاقته مثالية جدا ومايرضى بالفشل ولو لاحظ ان الفشل بيدخل علاقاته بيقاوم قد مايقدر