رفقاء السفر

صفات و تصرفات الابراج و شخصياتهم أثناء السفر.

أفضل رفقاء السفر (الحمل ، العقرب ، القوس ، الميزان)

–    برج الحمل:

شخص جدا نشيط وممتع ، ما راح تحس بأي ملل ، افكاره متجددة واختياراته للاماكن ممتعة ، هدفه من السفر تجربة مغامرات غريبة و ممتعة.

–    برج الثور:

ممكن يكون ممتع لكن بارد و هادي و يختار اماكن هادية و رايقة ، غالبا يسافر للاستجمام.

–    برج الجوزاء :

يفضل يسافر لحاله ، متقلب و مزاجي وممكن يحوس عليك سفرتك لو ما كان بالمزاج الطيب.

–    برج السرطان :

طيب بالسفرة لكن ممكن يأخذ كل شي على محمل شخصي ، بيزعل ويتحسس من أي تصرفات عفوية .

–    برج الاسد :

ينساك و ممكن يهمش وجودك و يختار كل شي بنفسه من دون ما يشاورك, حرفيا ينساك لكن الحلو بالسفرة انه يختار اماكن مشهورة ومعروفة -من باب الهياط-.

–    برج العذراء :

ممتعين جدا لكن يفضلون يزورن اماكن لها تاريخ وقصة على انهم يجربون المغامرات او الاستجمام.

–     برج الميزان:

طبيعية الميزان اجتماعي و يحب يتقرب من الجميع لذلك بتشوفه يتعرف على اهل الدولة اللي مسافرين لها و يكون صداقات معاهم ويتبادلون ارقام او حسابات للتواصل , راح تكتشفون حس الدعابة عند الميزان وروح الفكاهة.

–     برج العقرب:

يحب يدور عن كل جديد و يختبر و يجرب كل شي في الحياة خصوصا في السفر ، اكثر شخص تشوفه يعرف يتصرف بكل المواقف سواء كانت مشاكل و مواقف يومية.

–    برج القوس:

اكثر شخص تشوف بعيونه حب السفر، يعتبر السفر انطلاق و تنفيس عن النفس ، مُغامر ويجرب كل جديد و جريء و غريب ، يحب يستكشف الاماكن الغريبة والمخيفة.

–    برج الجدي :

شخص جاد و ثقيل ، غالبا راح يحسسك انه مسافر معك عشان يؤدي واجب ، مستمتع بينه و بين ذاته لكن ما يبين لك لطبيعته الغامضة وبتحسه زهقان او مو راضي عن السفرة.

–    برج الدلو :

ممتعه السفرة معه و يجرب كل شي معك و يجاريك لكن عيبه انه لو تغيرت الخطط فجأة راح ينفّس عليك او يبين لك انه مو راضي و متضايق

–    برج الحوت :

شخص جدا ممتع ورقيق ، يحرص على انك مستمتع بالسفرة اكثر من حرصه على استمتاعه هو كشخص ، قانونه (انت مبسوط انا مبسوط)