كوكب القمر أو moon

الابراج غالباً ترتبط علاقتها مع "الشمس" بحركتها والاشارات اللي ترسلها بشكل عام اما باللي يتعلق بالعلاقات العاطفية ‏فَ هنا لازم نقرا عن "القمر" ونفهم اشاراته وعلاماته لمّا يرتبط الامر بالعلاقات والحب والتصرفات

‏نحكي عن القمري؟

أولاً :

هذا شكل القمر في الخريطة الفلكية

قمر الحمل  :

مواليد هالبرج ولدوا لما كان القمر بحالة مغامرة ونشاط، لذلك  طبعهم كله تحدي ومغامرة ونشاط وحماس .‏ ولما يرتبط الحب بالمغامرة فهنا فإن الحمليين يكونون واثقين تمام الثقة للشيء اللي يسوونه و يعرفون وين متجهين وايش بيسوون . دايما يكونون اقرب في علاقاتهم للجنس الاخر من برجهم ‏وممكن يرتبطون ويكونون منفتحين اكثر مع الاسود والقوسيين  ؛ اصحاب المجموعة النارية.

قمر الثور  :

علامات القمر لهالبرج تعني القوة العاطفية الكبيرة الموجودة عندهم ‏ولكن بنفس الوقت ممكن ترتبط عواطفهم بالعناد والحذر والخوف ، من الامور التي تميز الثوريين انهم مايدورون عن الجمال الصارخ في شريكهم ‏قد مايدورون عن  اللي يعطيهم اهتمام و حب وهالشي مرتبط في طبعهم.

قمر الجوزاء :  

برج الجوزاء عنده اقمار كثيره ولذلك يبان له اكثر من شخصية ويكون متهور و لعوب، ويحاول يغير من طبع شريكه ‏لذلك صاحب قمر الجوزاء مايخطط للزواج واخر شي يفكر فيه هو الزواج والارتباط لحبه لحريته و تقلّب مزاجه، قمر الجوزاء ‏بيكون بقمة سعادته لما ‏يكون مع احد من الدلو او الميزان .

قمر السرطان :

اذا صار القمر في برج السرطان فهو يؤثر على مواليده و يكونون اكثر عاطفية ومحبة وحميمية ‏و يميلون اكثر للشفافية في علاقاتهم ويكون اكثر استيعاب لشريكهم وعندهم مشاعر جياشة تكفي لأُمّه كاملة ‏وبنفس الوقت بيكونون اكثر تفهم لعواطف وافكار الابراج الثانية، ‏ينجحون السرطانيين مع الحوتيين بعلاقة مليانه حب وانسجام.

قمر الاسد :

اذا كان القمر في الاسد فهو مليان عواطف قوية ويخليهم يعشقون هالشعور شعور الحب والهيام والغرام و لا يفوتون الفرصة عشان يوصلون للي يحبونه وللي منجذبين له وعندهم استعداد يسوون اي شيء عشان يرضون انفسهم و يعلقون اللي يحبونه فيهم، وحتى لو فشلوا بجذب شريكهم ماراح ييأسون لين يوصلون له بألف محاولة، عندهم القدرة والرغبة على انهم يحاولون مرة بعد مرة ‏حتى يوصلون لهدفهم، لكن نحذّر شريك الاسد من استثارة عاطفته لانها ممكن تحرقه.

قمر العذراء :

مواليد هذا البرج عندهم قلب ويحبون زيهم زي غيرهم  لكنهم جايين عكس الناس لان ماعندهم  استعداد ‏ينجرفون وراء مشاعرهم عشان عاطفة، قمر العذراء يناظرون للامور بنظرة تحليلية وبنظرة مافيها اي نوع من انواع المشاعر، ‏ولكنه لما يكتشف حبه الحقيقي بيكون جداً مخلص لصاحبه او شريكه

قمرالميزان :

اما اذا كان القمر في الميزان فهي علامة على ‏إنهم اكثر الابراج اللي مانقدر نتنبأ بحياتهم العاطفية بسبب كثرة ترددهم ‏ولكن دايم يحاولون يدورون عن السلام والهدوء مع انفسهم ومع من يحبون ويرتاح مع الدلويين اكثر من اي برج ثاني.

‏قمر العقرب :

من اكثر الابراج الي يميل مواليدها انهم مايفضفضون ويحتفظون بعواطفهم جواتهم بكل عمق ويكونون غامضين من هالناحية ، وبنفس الوقت مخلصين ووفيين للي يحبونهم.

‏قمر القوس :

لما يكون القمر بالقوس فالحب بيكون واقف بصفّه ‏والقمر بالقوس بيخلي صاحبه متفائل دايماً خصوصاً بالحب والمشاعر وعندهم كامل الاستعداد يواجهون مشاكل ومخاطر ويغامر في سبيل الحب 

قمر الجدي :

من اكثر الاشخاص اللي منضبطين ودايماً شريكه او صاحبه يطالبه يتفهّمه ويصبر عليه لكن لما يفتح قلبه ويدوّر عن الحب بيدوّر عن اشياء محددة وتناسبه وتناسب حياته لذلك غالباً ينسجم مع الجديين فقط .

قمر الدلو :

اصحاب هالقمر يعشقون حريتهم ويقدرونها ، ‏وبنفس الوقت ينظر للأمور بتحليل وادراك بعيد كل البعد عن العواطف ‏عشان كذا نادر جدًا تسوف احد من الدلويين يعيش في خياله من دون مايعيش بمنطق و واقعية

قمر الحوت  :  

لو حبينا نوصف الحب عند اصحاب قمر الحوت بنوصفه بهالكلمتين : الهدوء والرقة ، ‏قمر الحوت لما يدوّر عن الحب يدوّر عن علاقة مليانه مشاعر و ثقة .